بـــعــــض البـــشـــر تــرتــآح له من كـــلآمـــه

بعض البشر ترتاح له من كلامه

من لايقدر لايقَدر مقامـــــــــــــــــــــــه...

ومن يتهاون بالرجاجيل ينهــــــــان

الدين بوجه الشخص وسام وعلامـــــه...

واللي عمل خيرات يجزى بالإحسان

بعض البشر يفرض عليك إحترامـــــــــه...

من عذب منطوقه لولو ومرجــــــــان

وبعض البشر ترتاح له من كلامـــــــــــه...

يسليك لو إنك من الهم حزنــــــــان

وبعض البشر ودك تشدد لجامـــــــــــــه...

عن السوالف تكتمه كتم حرمــــــان

مغرور مغتر شبيه النعامـــــــــــــــــــــه...

يقول من مثلي ولاغيري إنســــــان

لاتغرك الأزوال أو طول قامــــــــــــــــــه...

ترى بعضها فاضي بغير عنـــــــــوان

الطيب مثل السور صعب إقتحامــــــــه...

أليا صار ما نت مدرك العقل فهمــان

إحذر من الدنيا سريع حطامــــــــــــــه...

ما تنومن لفاتها بكل الأزمــــــــــــان

ياما أخذت من كل قوم وجهامـــــــــــه...

ولادامت لكسرى الأيام يا فـــــــــلان

المشكله قبر مخيف ظلامــــــــــــــــه...

نطلبك عفوك يا كريم ومنــــــــــــــان